隱世平價好味即叫即蒸點心!

位於粉嶺聯和墟的市政街市大樓上的熟食檔"添仔記"!

外貎與一般的街市檔舖没甚麼大的分別，如果不是朋友介紹，真的不會光顧 。

原來點心係即叫即蒸, 估不到街市檔舖都可以有這樣的水準! 有點驚喜!

今次點了鳯爪排骨飯, 是用砵仔蒸的, 鳯爪排骨没有甚麼特別, 飯卻不像一般蒸飯濕身, 比較乾身。份量不多, 女士們最啱!  食完仲可以試其他點心!





咪睇呢碟貎似腸粉的物體没有甚麼特別, 其實好特別!   外貎有點像炸兩, 可是要比炸兩更特別 .... 看看用這隻簡約設計的長形碟上枱, 就知非一般貨色啊!

新鮮的腸粉外皮包着一層脆脆, 而脆脆內全是蘿蔔絲, 有趣又好味! 比十個趣你!





還有主打的蝦餃, 皮薄, 蝦肉夠多, 爽口, 大隻, 絶不比大茶樓的遜色!






馬拉糕, 個別用小籠上。 確保新鮮, 乾爽, 鬆軟,  得! 





還有大大舊雞扎, 內裏有竽頭, 魚肚和雞。 我就覺得一般, 勝在大大件夠抵食。




兩個人連茶錢, 都只係70幾蚊! 已經飽飽!

估不到一個街市的食檔, 有這般的水準, 店主對食物新鮮的那種執著........
比10個Like你!



Live a happy life!

Stay tuned and connected at my facebook fan page of BE Styling Services!!

My web site: www.biebiewo.com

超簡單用麵包機自製Brownie！

自己超愛吃 Brownie, 尤其是Mrs X's 那些!!!  但係都幾貴吓! 

 

於是上網找找做法, 怎料, 簡直簡單到難以置信!   對一個入厨卅年只懂吃的我, 一看都認為簡單的話, 你說, 有誰做不到?!

 

基本上, 只要你買到 Brownie Mix , 屋企又有焗爐或麵包機的話, 你已經成功了八成!!!!!  真的, 相信我!

 

阿B買咗呢隻Brownie Mix!  好抵, 咁大盒只係HK$24.90!!!!  兩大連鎖超市都有得賣, 不過阿B近排介紹了很多朋友, 可能好快比佢哋搶購一空!

 

 

 

 

 

做法十分簡單, 都話係真!  包裝盒背都有寫明!

 

 

 

 

材料:

 

Brownie Mix 一盒 

雞蛋兩隻

水  3 tbsp

Olive oil 半量杯

合桃或其他配料 (因各人口味不同, 隨意加入)

 

 

做法:

 

將焗爐預熱350F

阿B用麵包機, 所以先調較到Baking mode, Colour - light, 由它在没有任何麵包盆的情況下開動

 

將兩隻雞蛋打勻加入Brownie Mix 中

加入水 3 tbsp 和Olive oil

然後攪勻

加入合桃或其他配料

 

 

 

 

 

 

 

將一半mixture倒入麵包盆內 (因為阿B試過, 如果用全部份量的話, 太厚了, 時間雖要多一點之餘, 外邊會燶了, 這個份量做兩盆就剛好! 外脆內軟!)

將放入了brownie mixture 的麵包盆放入熱了的麵包機內, 然後停機再重新開機

重新調較到baking mode, colour - light, timer - 1 hr

開機! 烤至55分鐘時, 打開機蓋, 插入竹簽或筷子試試, 如拿出時没有糊狀物沾着竹簽或筷子, 即成! 可以關機!   如拿出時還有糊狀物沾着竹簽或筷子, 再烤5分鐘試試, 直至可以為止。

 

 

取出麵包盆, 待涼後倒出, 切開! 

 

 

 

 

 

一件件外脆內軟的Brownie就在面前任君品嚐!!!!

 

 

 

 

 

 

 

Live a happy life!

Stay tuned and connected at my facebook fan page of BE Styling Services!!

My web site: www.biebiewo.com

 

  

超。。。。好味日本即食麵

 

 

 

有時唔一定要貴先至好食！ 亦唔一定要高級食府先至有好嘢！ 我從來唔鐘意吹嘘, 亦唔會因為名牌或價錢去衡量任何東西質量！ 那管它是Chaxxl或是港產佐丹x, 好就是好,差就是差！

呢隻麵我覺得超超。。。。。。好味！ 7X9 阿X屋有得賣！ 原本唔知嘅, 多得有一次見有個阿嬸好興奮咁將D麵掃晒落購物籃度, 我八卦心又作遂, 走過去看看, 阿嬸即用既興奮又友善嘅眼神望住我咁講： 呢隻麵好好食架, 真架！ 而家特價好抵呀！ 見阿嬸自己係咁狂掃, 又見佢...友善真誠同兩眼發光的超興奮樣。。。。。應該唔似做“妹“ ！ 好, 我係香港人黎, 此時此刻仲駛問..............跟！ 唔駛担心, 我冇傾家蕩產 （因為老公喺我隔離！）。。。掃咗3包啫！ 果然一試愛上！

因為上次得亞嬸的真誠推介, 今天輪到我！而且感覺759算是良心商店, 值得一推！

一包二人份, 而家做緊特價$17.8, 下星期六、日 (1 月18 和19 號) 買嘢仲有8折, 折折埋埋只係$13.6！ 正！ 留意, 此商品並不包含包裝照片中的黑豚肉！

仲有仲有, 我並唔係鼓勵人食即食麵, 不過偶不偶食吓又的確滋味！ hehehe!

加多隻蛋賣相更佳！

Live a happy life!

Stay tuned and connected at my facebook fan page of BE Styling Services!!

My web site: www.biebiewo.com