自家制印尼加多加多沙律

 胆粗粗, 上次去過食印尼私房菜後, 好鬼鐘意食個加多加多沙律, 又覺得好似唔係好難整, 於是咪:

 

先要買呢味沙律的靈魂..... 就係呢幾舊磚的加多加多沙律醬嘞!  可以係賣印尼食品地方買到。有甜味, 少辣同大辣。  我就唔食得辣,所以買咗甜味!

 

 

 

 

 

青瓜洗淨切粒備用

 

 

沙葛洗淨, 去皮, 切細條後, 用蝦眼水加鹽飛水, 晾乾備用。

 

 

 

 

 

沙律磚四舊, 用水煮開

 

 

 

邊煮邊加水攪開, 直至湖狀為止

 

 

 

 

去殼生花生, 抄熟或烘熟, 冷卻後去衣, 壓碎。

 

 

跟住就係將所有材料, 加入罐頭菠蘿或新鮮菠蘿粒撈埋佢, 食得!

 

麵包機自制海綿蛋糕第三回終於成功



話說買咗部麵包機有一段日子,  除咗整麵包外, 有十幾個功能, 可以整乜整物, 都冇整過其他東東, 都唔知係咪真!  等我發揮吓佢 D 功能, 順便挑戰吓我呢個從未整過蛋糕的厨房白痴!

  

好正常, 一個連baking powder 和 baking soda 要黎做乜都唔知的我, 就用咗一個唔用baking powder黎做海綿蛋糕的食譜而屋企又冇電動打蛋器.........第一次當然  ..............慘痛! 

 

吸取了第一次的教訓, 於是遍尋網上海綿蛋糕食譜, 唔止典解, 大部份都係不用發粉的方法, 於是揾到個好似幾啱feel的, 就鎖定它!   下一部就係買電動打蛋器! 當妳 試過打蛋打到周身汗, D 蛋槳都仲係唔肯企定定喺度的時候, 妳就會知道, 呢幾佰蚊係唔少得! 

 

OK, 即刻同老公去買咗個電動打蛋器, 為免再要捱濕水海綿, 老公這次絶無問長問短, 怎麼值得不值得等等........十分支持, 行咗幾間烘焙店和電器舖就出手了!  返家後隨即展開第二回!

 

心諗, 今次有武器,  再加埋上次失敗的檢討, 今次仲唔百戰百勝!  結果........ 比上次好一點點, 都....係.......失敗!  明明焗嗰陣睇住佢昇得高高, 諗住今次仲唔得?!  但係到後期, 佢....佢....竟然.......去番起步點!!!!!!    情天霹靂鳥!  切開後海綿質地雖然軟滑, 但比較細密, 而中心和底部都係濕濕的!   又一次失敗鳥!

 

唔憤氣!  即刻想再整!   但係望住舊濕濕哋的海綿 ...........  都係要歇一歇, 回一回氣先再哽得落多一個.....

 

檢討後, 今次失敗可能有兩個主要原因:

1. 加入麵粉到蛋漿時攪拌的手勢, 即"folding",  做得不好 (梗係唔好啦, 我連乜嘢係folding都唔知!  後尾睇you tube 先識咋!)
 
2. 麵包機要預先開定"baking" mode, 等佢熱定先!  咁打好的蛋糕漿就唔會沉晒部機先熱!

OK, OK, 兩日回氣之後, 又睇熟 folding 的手勢, 上網再揾到個人人失敗咗之後用咗呢個都話掂的食譜 (http://app1.rthk.org.hk/special/dessert/new/message.php?fid=1&topic_id=3138&page_no=1&subpage_no=1&order=desc&suborder=asc&catid=3) 

 

開定架麵機 ......

 

今次又係睇住佢昇得高高跟住又躂番落去....... 唉!   老公即刻成個人愁晒, 同我講, "阿老婆, 妳整埋呢個再唔得, 唔好整啦! "  我估佢梗係愁緊點哽舊海綿定嘞! 

 

醜婦終須見家翁...............帶住沉重的心情倒扣個蛋糕出嚟, 切開佢....................

 

登, 登, 登, 登!!!!  成功啦!  一個又鬆又軟的海綿蛋糕呀!  我不禁從厨房中大叫起來!  老公此時如釋重負.......................試了一口...................強忍心中喜悅.......没說甚麼....再咬了多一口.........